مي و أسرار المثلية - الفصل الخامس

الفصل الخامس

مي تتعرض للتخويف و لتهديدات بفضحها اذا أستمرت عملها 

تفضلو الفصل الأول و الثاني و التالث و الرابع

لكل المتابعين المنضمين لنا الان

وصلت مي إلى منزلها منهكة متعبة بعد الموقف الرهيب الذي تعرضت له, لقد حررت محضراً في قسم الشرطة بما حدث واطمأنت على الشاب في المستشفى بعد أن تركته في حالة مستقرة...دخلت البيت والساعة قد تجاوزت الرابعة فجراً لتجد والدتها وأخواتها في انتظارها والخوف يخيم عليهن...اندفع جميعهن نحوها وهي تكاد تقع على الأرض..ثيابها متسخة ووجهها شاحب والدموع في عينيها

مالك يا بنتي في ايه

ارتمت مي على اقرب مقعد وبدأت تتنفس بصعوبة

قالت نهال: مي في ايه خضيتنا عليكي مالك اتكلمي ؟؟

قالت سهى بخوف: مي حصل ايه يا حبيتي؟؟ شكلك بيقول فيه مصيبة ؟

قالت مي بتوتر: لأ لكن أنا عملت حادثة بالسيارة عشان كده اتأخرت

شهقت الأم و قالت: يا نهار اسود ازاي ؟؟؟

قالت مي لتبعث الاطمئنان في النفوس: أصل خبطت واحد بسيارتي وجت سلمية , يعني حررنا محضر في القسم وهو اتنازل وخلاص

قالت سهى: شكلك بيقول دخلتي في خناقة ؟؟؟
لا لا اصلي وقعت على الأرض وكده من التوتر( تابعت سيرها الى غرفتها قائلة) أنا عاوزة ارتاح سيبوني ارتاح 
ارتمت مي على سريرها وهي تشعر أن جميع أعضاء جسدها تؤلمها..لعلها لم تعرف النوم ابداً وهي تفكر فيم حصل لها..الشاب والدم والاختطاف والحادثة كل شيء كان مريعاً لا يمكنها أن تتخيل أن الموضوع قد تم بهذه السرعة وإنها في لحظات كان من الممكن أن تكون قد أخطفت أو قتلت ربما...لكن ماذا يريد منها هؤلاء الرجال ألهذا الحد الموضوع قد تطور ؟؟؟
.............................................
استيقظت في الصباح الباكر رغم التعب الذي كانت تشعر به متجهة إلى المستشفى لتطمئن على الشاب الذي أنقذها...اتجهت إلى غرفته وجدته نائماً
 طمني يا دكتور أخباره ايه؟؟؟ 

 يعني حالته مستقرة هو في ضربات جامدة آوي على الدماغ بس إن شاء الله سليمة إحنا عملنا الصور اللازمة وكلو تمام

هو ما فيش حد من أسرتو سأل عليه ؟؟
 ما اعتقدش انتي أول واحدة تزوريه

****************************************

اتجهت إلى سيارتها وطلبت رقم الدكتور كمال 
 الو دكتور كمال ممكن أشوفك لو سمحت ضروري أنا مي

................................................
جلست مي مع الدكتور كمال في مقهى هادئ مطل على البحر كأنها أرادت أن ترمي همومها وتستريح قليلاً مع شخص لطالما كان حديثه وجلسته شفاء لروحها...استمع الدكتور كمال لما حصل معها وهو متأثر كثيراً 
 قالت مي بقلق: أنا مش عارفة الناس دي عاوزة مني ايه بالضبط ؟؟؟؟ وليه عاوزين يخطفوني ؟؟؟

دول أكيد ناس من الفرح اللي انتي صورتي وقلب الدنيا انتي اسمك بقى على كل لسان

 أنا كنت متوقعة ضجة للموضوع كبيرة بس مش على حساب أذيتي

انتي بجد يا مي فتحتي الناس على حاجات كتير استمري في ده  صدقيني,,, الناس دلوقتي بقيت يمكن بتنظر للموضوع ده بشكل ثاني

عارف يا دكتور كمال أنا بجد ده هدفي..عمري ما فكرت لا بشهرة ولا بغيرو بس نفسي الموضوع ده يتعالج ده مرض بيضرب بلدنا وكل بلادنا العربية لازم نحاربه و ف نفس الوقت نساعد اللي بيعاني منو ,, عشان محاربة المثلية مش بتكون بمحاربة المثليين

صح يا مي ....أنا سعيد انك فهمت ده بسرعة عشان انا ما حبيت اليوم اللي قلتي فيه اننا لازم نعمل حملة ضد الناس دي لأن المثلية هي الاظطراب و المثلي هو الذي لديه هدا الاظطراب و بالتأكيد هناك فرق بين المثلي و المثلية ..فالأول انساء و الاخر هو الداء و علينا احترام الانسان و استخراج الداء و استئصاله من الانسان 

صحيح يا دكتور ..انا في الاول ما نتش فاهمه و  كنت بشوفهم مذنبين بس لما عملت أبحاثي في النت  و سمعت قصصهم وجدتهم ناس مثلنا بيعانو من مشكلة مش جميع الناس ...بس للأسف مشكلتهم صعب الكل يفهمها ...أنا بجد حزينة جدا و مش عارف ازاي بيصبرو و بيتحملو كره المجتمع ليهم بهده الطريقة ؟؟؟ الان بدأت أفهم لماذا نسب انتحارهم مرتفعة ...للأسف بس مع ذالك الانتحار مش حل 

أخرجت من حقيبتها رسالة أعطتها للدكتور: شوف الرسالة دي يا دكتور وحللها وقولي رأيك ,,, أنا بجد مقهور على بنت دي و لحد الان مش فاهمة ليش الناش مش بيتعاطفو مع الحالات دي ؟؟ 

اخذ وبدأ بقرأتها وعندما انتهى منها قال لها : جتلك الرسالة دي امتى ؟؟ 

امباح وقريتها وبجد صدعتني لأن موضوع البنت دي يصعب على الكافر

, أنا مش عارفة أرد عليها بيها  كل السبب الأهل ,,كأن الجمال ده حاجة يبقى الإنسان من نظرات الناس يتمنى الموت بسبب نظرات الناس ليه  اللي بتكون قاسية فما بالك وهو بيشوف أهله بيعاملو كده ومدة طويلة كل حاجة حلوة جواه تتقتل تتحول لكره وقسي ويحقد على الناس ويحاول ينتقم من نفسه..ده بيفكرني" بألفريد أدلر " - العالم النفسي صاحب نظرية عقدة النقص..كان بيقول إن أي نقص عند الإنسان بيحاول يعوضو من ناحية  يا ايجابية يا سلبية..فتلاقيه متجهه للفن أو الرياضة وببدع بيهم أو بيروح اتجاه سلبي خالص في سلوكيات عدوانية وشاذة وانحرافات وغيرو

عندك حق الحالة اللي اسمها جيهان شكلها عوضت النقص بحاجة سلبية اللي هي الممارسات المثلية مع البنات 

بس لازم نساعدها يا دكتور 

أكيد ..اكتبيلها رسالة وشجعيها وقوليلها ان ما فيش حاجة في الدنيا مستحيلة وان أكيد جواها حاجة حلوة وبمجرد إنها بعثت لك الرسالة فده مؤكد إنها حلوة من الداخل  لأنها عاوزة تتغير وتصلح غلطها وجبيها عندي لو تحبي يبقى العلاج نفسي ومعنوي وده يفيد كتير 

إن شاء الله يا دكتور

على فكرة في خبر حلو
 ايه هو؟؟
 عارفة البنت اللي كان عندها ميول مثلية غير مرغوبة ,, البنت  اللي بعتيهالي و اللي كان بتعاني وعندها مشكلة بسبب حادثة من أيام الطفولة

آه آه مالها ؟؟؟
 الحمد الله رجعت أحسن بكثثير و في تطور كبير جدا في حالتها و اتعاونت في الموضوع ده مع شيخ تقي أوي ومتدين كنت بعد ما تخلص الجلسة عندي ابعتها ليه , و كمان أصبحت تحضر محاضرات في المسجد للنساء و هناك الناس تقبلوها اوي و ده ساعدها و قوي ثقتها بنفسها كثير ....ده بيبن ان الحب و القبول ممكن يساعدهم كثثير 

وقفت وهي تطير من الفرح: انا مش عارفة اشكرك ازاي يا دكتور كمال الخبر ده يسوى مليون جينيه

ضحك قائلاً: ربنا يخليكي..المهم خدي بالك من نفسك

ابتسمت قائلة: حاضر يا دكتور

...............................................
في المساء جلست مي مع عائلتها يتحدثون ويضحكون في أمور عديدة وقد لاحظت مي خلال ذلك أن ابن أختها تامر يجلس طوال الوقت في حضن والدته التي لا تتركه وكأنه طفل صغير وتعامله بطريقة خاصة من الدلال والاهتمام مع أن عمره 14 سنة , فهي التي تطعمه ولا تنام إلا بقربه حتى أن لباسه غريب اقرب إلى لبس الفتيات منه إلى الأولاد...فما كان منها إلا أن أخذت أختها جانباً قائلة لها
 سهى انا عاوزة اقلك حاجة ملاحظاها

 خير يا ختتي

مش  ملاحظة ان ابنك تامر متعلق بيكي اوي زيادة عن اللزوم يعني آسفة في التعبير كأنه طفل صغير ؟؟؟

 ضحكت قائلة: اه ده حبيبي ماليش غيرو في الدنيا 

آه مش مختلفة معاكي بس لازم يبقى راجل مش كده...كلامه ناعم أوي وحركاته ولبسه ,, اكيد مش رح تكوني موافقة على كده ؟؟

 تنهدت بحرقة  قائلة: انتي عارفة زوجي قد ايه صعب وعمرو ما اداني حنيه لقيت الحنيه كلها في تامر هو ابني وصديقي وكل حاجة في حياتي و بخاف عليه كثير
 معاكي حق بس ابنك دلوقتي في سن خطرة  لو استمر كده حتلاقي عندك بنت مش ولد

 لأ ده راجل يختي راجل وبلغ كمان..
 طب كويس ^_^  يبقى لازم التعامل ما يكنش كده انأ بقلك كده عشان مصلحتك يا سهى مش اكتر.( رن هاتفها النقال فاستأذنت من أختها

********************************** 

الو..ايوة يا محيي
 فينك يا مي فاضل نص ساعة على الهوا
 محي أنا تعبانة مش قادرة حصلي حاجات كتير بكرة احكيهالك ..مش قادرة اطلع على الهواء

ايه الكلام ده يا مي انت يعاوزة تخربي بيتي في إعلانات مدفوعة

 طب خلاص خلاص..جيه

**********************************

وصلت مي إلى الإذاعة قبل عشرة دقائق من البث تحدث قليلاً مع محيي شارحة له ما حصل معها في الأيام القادمة ودخلت مسرعة إلى غرفة الهواء المباشر لتبدأ الحلقة

كانت متوترة بعض الشيء وقد ظهر ذلك في نبرات صوتها وكلامها المتقطع وعدم تركيزها إلا أن جاءها الاتصال التالي

الو مساء الخير

 اهلاً وسهلاً اتفضل حضرتك
 آنسة مي أنا عاوزة اقولك حاجة....الموضوع الي انت بتكتبي عنو و اللي عاملة نفسك ضدو والي هو المثلية والشواذ والي انتي بتحاربيهم بمقالاتك موجود عندك في بيتك وبلاش تحدفي الناس بالطوب وانا معايه وثائق وصور تثبت ده وان ما بطلتيش الكلام ومتابعه الموضوع ده انا حنشرهم زي ما نشرتي صور الفرح

تجمد الدم في عروق مي وهي تسمع كلام المتصل المجهول وكادت عيونها أن تخرج من وجهها من شدة الصدمة...تدارك مهندس الصوت الموضوع وقطع الاتصال لكن مي قالت مسرعة

أنا بيجيلي تهديدات كتيرة اوي وكلام حضرتك مش حيخليني أتراجع عن الرسالة اللي بعملها وانا عارفة انو كلامك فاضي مالوش أي اعتبار ومش حيخوفني 

بعد انتهاء البرنامج كانت مي مرعوبة جدا  و شعرت أنه يوجد شيء ما هل من المعقول أن يكون كلامه صحيح؟؟؟؟ يقول انه يملك صور ومستندات..ألهذه الدرجة تطور الموضوع ؟؟؟

قال محي: ايه اللي بيقولو ده ؟؟

قالت بتوتر: عرفتو الرقم ؟؟؟

لا بيتصل من رقم خاص ؟؟

ما تطلعوش أرقام خاصة مرة ثانية على الهواء

ماشي اقعدي انتي تعبانة اوي

وضعت يدها على رأسها قائلة: أنا لازم أروح

يلا با يا مي ..ما تنسيش تبعثيلي رابط الفيلم اليوم في الفيسبوك عاوز أشوفو بجد 

عاوز اعرف عن الحاجات دي  

أأكيد رح ابعثو ليك يا محيي

........................................ 

اقنعت مي نفسها إن الكلام كله لا يمت إلى الصحة بشيء.. انه فقط لإرعابها ولتشويه صورتها أمام محبيها من المستحيل أن تكون المثلية قد دخلت إلى منزلها؟؟ إنها تعرف أن والدتها قد ربتهن جميعا على الدين والأخلاق ...انه شخص مدسوس من طرف المحامي أو من طرف احد مهم أزعجه موضوع الزفاف والصور التي نشرت

أقنعت مي نفسها بهدا الكلام و كأن الميول الجنسية و العواطف و الانجذابات تتدخل فيها الأخلاق و التربية ,فالشخص قد يختار كلامه و سلوكياته و أفعاله ,,, لا أحاسيسه و ميوله العاطفية .....فهده طريقة التربية و الظروف هي التي تحددها و ليست الاخلاق 

فالأخلاق و التربية التي نتلقاها قد تمنعنا عن الممارسة الجنسية لا عن الميول و الاحاسيس الجنسية و الانجذابات

******************************
في صباح اليوم التالي ذهبت مي إلى المستشفى حاملة معها باقة جميلة من الورود , دخلت إلى غرفة الشاب بابتسامة عريضة  لتجده يجلس في سريره ما إن رأها حتى ابتسم لها

حمد الله على سلامتك

الله يسلمك

ازيك النهاردة إن شاء الله بخير؟؟

 الحمد الله الدكتور قلي إني خفيت وممكن اخرج بكرة
 انا مش عارفة أشكرك ازاي يا أستاذ؟؟؟؟...( وتنبهت إنها حتى هذه اللحظة لا تعرف اسمه

ضحك قائلاً: بهاء

قال بخجل: انا آسفة بس ما حصلش فرصة اعرف اسم حضرتك..انا مي اشرف مذيعة وصحفية

اتشرفنا....وأنا بهاء مهندس ديكور

 أنا مديونالك بعمري وبجد مستعدة لأي تعويض

 ايه اللي انتي بتقولي ده ؟؟..ده تصرف عادي لازم أي حد يعملو مش بس أنا...لما اشوف بنت جميلة زيك متعرضة لخطر لازم أساعدها

احمرت وجنتاها وقالت: أنا مش عارفة الناس دي كانت عاوزة مني ايه .لغاية دلوقتي مش فاهمة ؟؟

أكيد بيطاردوكي لسبب معين

اه انا عارفة بس مش فاهمة هما مين وعاوزين مني ايه ؟؟

كل حد ناجح بيتعرض لخطر وانتي شكلم من الناس الناجحين

ابتسمت قائلة: ده من ذوقك.أنا مش شايفة حد زارك أنت مالكش قرايب ؟؟

ليه طبعاً أنا بس من الإسكندرية وجيت هنا القاهرة اشتغل عندي صاحب واحد كنت رايح اجيبو من المطار بس الطيارة أتأخرت. بس هو اتصل بيا وجالي
آه الحمد الله على سلامتك..طب أنا حستأذن وحشوفك بكرة

ممكن أكون خرجت

طب نمرتك من فضلك عشان اطمن عليك

^_* من عينيه

*********************************

قبل أن تستقل مي سيارتها لاحظت على الزجاج الأمامي ورقة موضوعة بعناية بجانب الزجاج الأمامي ...أخذتها وفتحها لتجد بها صورة لأختها نهال بلباس فاضح نسبياً مع بعض الفتيات في شقة مفروشة ولكن أختها جالسة فقط وحاضنة بنت بطريقة حميمية و غريبة جدا

جمدت في أرضها وشعرت يداور خفيف كادت أن تقع من هول الصدمة

***************************************

معقوول أخت مي مثيلية ؟؟

انتظرو الفصل التالي  (السادس ) تلبية لطلبات بعض القراء و الأصدقاء الذين ينتظرون الفصول الجديدة بفراغ الصبر و أصبحوا يطلبون مني أن أُسرع في نشرها ...يسعدني أنها تنال اعجابكم  ..و شكرا لكل من بعث لي نقد أو ملاحظة حول القصة 

شكرا لكم أعزائي :)

الفصل السادس