بتحب الرجالة ؟ مقال لنهاد رجب مدرب في تقنيات الايحاء و التأثير بالتنويم الضمني

نهاد رجب / أول مدرب عربي في تقنيات الاقناع بالإيحاء

 . والتاثير بالتنويم الضمني

www.nihadragab.com

  

-------
وانا صغير خرجت مع اخويا ، كان راح يقابل بنت في جنينة وانا كنت جاي كده ، جهد ذاتي ، غتتاتة يعني ، المهم سيبته هو ابن عمتي قاعدين مع البنات وروحت قعدت لوحدي ، كنت في تانية اعدادي ساعتها لما لاقيت واحد باين عليه الوقار بيقرب مني وبيقولي ازيك ، لاقيته قعد جمبي ، وبيقولي انت جسمك متناسق هو انت بتلعب رياضة ؟ قولتله اه ، بلعب كونغ فو ، قالي هايل انا مدرب كونغ فو في نادي ممكن اختبر قدراتك ؟ طبعا وافقت ، قولتله ازاي ؟ قالي بص ياسيدي واحنا قاعدين عايزك تشنكلني وتزقني على الارض وانا هحاول اقاومك واقف ولما اقولك سيب قولي "لأ مش هسيب" ، انا قولت بس كده ، عنيا ، ديه سهلة جدا ، احنا كنا قاعدين مديين ضهرنا لاخويا وابن عمتي ، شاورت لأخويا بايدي قولتله تعالى ، جيه براحة هو وابن عمتي والراجل مرمي على الارض وبيحاول قال يعني يقوم ومش قادر وبيستعطفني انه يقوم وانا اقوله لأ مش هسيب ، كل ده وهو مش شايف الناس الي معايا ، فقالي سيب انا ساعتها كنت قومت براحة ، واخويا قاله لا مش هسيب يابن "تيييت تربتييييت تيييت" .. انا روحت قعدت مع البنات واخويا وابن عمتي قعدوا معاه هو ..

احتمال تكون ركبت مترو ولاقيت واحد بيرجع بضهره او بيشوف الساعة فيخبط فيك ، او ممكن الموضوع يتطور بأي شكل ، كل واحد ممكن يبقى ليه تجربة خاصة ، ولما بنفتكر بتحس انك عايز تولع في نفسك ، بس المقالة ديه المرة ديه مش موجهة ليك .. المقالة موجهة ليهم ومش كلهم ، موجهة للي شايف انها مشكلة بجد ..

لكل الي شايف انه مريض شاذ مش مثليي طبيعي ، لكل واحد عايز يبقى طبيعي ، لكل واحد يهمه انه يعيش حياة كويسة طبيعية يتجوز ويخلف ويستمتع بالحياة مع واحدة تشاركه احلامه وطموحاته ، تحافظ عليه ، تحبه بجد ، تبقى انثى في حياة راجل زيه ، او عايز امك ترضى عنك والناس الي حواليك يسامحوك ، ويحبوك ، لو ده الي انت عايزه فانا متاكد ان المقالة ديه ان شاء الله هتفيدك ، من كام اسبوع شوفت ولد ماشي جمب امه ، ست كبيرة ومحجبة ، والولد "بيتمرقع" – سوري للالفاظ ديه بس حرفيا كانه بيجاهر بكونه كده ، وبيعلي صوته على امه وبيخبطها في ضهرها وبيقولها بصوت كله انوثة "انتي عبيطة ولا ايه ، عليكي وعليه ، دانا اقعدكم على **** او اقعد انا عليه" ويضحك ضحكة تدوي والناس بتتفرج وانا باصص لأمه وهي وشها احمر ومش بصاله بس بتحاول تبص لعيون الناس الي باصين ، ابنها مريض ومش عارفة تعمل حاجة وتقوله "بس اسكت بس" وهو بيكمل وبيضحك ، وكأنها بتحاول تخبيه ، لان حلم كل ام انها تشوف ابنها راجل متجوز وقور والناس بتحترمه فتخيل لما تعرف ان ابنها ممكن يبقى وقور بس مينفعش يبقى راجل او يتجوز مع ان فيه شواذ متجوزين فعلا ، صعبة اوي لما تتخيل ان امه ممكن تكون مضطرة تعيش مع الحقيقة ديه كل يوم ومش عارفة تعمل حاجة ... صعبة اوي لما تلاقي ان صاحب المشكلة شايف ان معندوش مشكلة ، صعبة اوي ليك وليها ، ولكل الناس حتى لو طلع واحد يقولك في "بلد الولاد" وينادي في مقالاته بحقوق المثليين جنسيا ، حتى لو طلع واحد ويقولك اصل الاسلام محرمش اللواط ، او طلع حد يقولك "اصل الرجالة مبتحبلش" او او او ، حتى لو واحد قالك انك مش مريض ، وديه طبيعة او ان ده موجود في الحيوانات ..

دخلت جروب بعنوان نطالب بحقوق المثليي جنسيا ، دخلته مخصوص علشان لاقيت لينك لموضوع فيه بيتكلم عن ان الاسلام محرمش اللواط ، وبدات اتكلم مع بعض الناس الي فيه اكتشفت ان فيه ناس مش عايزة تقتنع هي عايزة مبررات مش اكتر ، الجميل اننا كنا بنتكلم في سياق ديني ، يعني فكرة انك تكون بتغلط بس يهمك تعرف رأي الدين حتى لو انت غلطان في نقلك بس حاولت فديه حاجة كويسة ، اتكلمت مع بعض منهم شوية فيه منهم اقتنع باسلوب كلامي واضافني فعلا وكلموني وفيه ناس تانيين التزموا اتجاههم ومحاولوش حتى رفضه ، ومن الناس دول واحد بيقولي اولا انا شايف ان المريض هو الي مبيقبلش المثليين ، وان اللواط موجود حتى في الحيوانات ... رديت وقولتله ياراجل ، يعني انا الي بقيت مريض دلوقتي ؟ الحق اجري اعمل جروب للدفاع عن حقوق المستقييمين جنسيا ، وانا مش فاهم فكرة انك تقول ان اللواط موجود حتى في الحيوانات ده المفروض يخليني اعمل ايه ؟ اتفحم ؟ او اتصدم واسقفلك ؟ يعني انت بتشبه نفسك بالحيوانات ؟

او يقولك انه مش مرض ، خليني اسالك سؤال ، لو انت مدخن وقولت تبطل سجاير ، هتتعب ليه ؟ علشان السجاير ادمان ؟ ولو هي ادمان فالسجاير بتسبب المرض صح؟ هايل جدا طيب على حسب كلام دكتور "إيه دين بيارد" من جامعة اوتاه ، ان لو الشاذ جنسيا ممارسش الجنس لفترة مع الذكور بيحصله الآتي :

"I frequently find varying degrees of narcissism, dependency, hysteria, anxiety, and depression."

او درجات مختلفة من النرجسية ، الهستريا ، القلق والاكتئاب ، فقولي ايه الحاجة الطبيعية الي لو محصلتش هتحس بكده ؟ واحد منهم قالي مانتوا كمان لو قعدوا كده من غير ماتناموا مع واحدة هتحسوا بكده ، قولتله لا صدقني انا عارف مبتوصلش لكده ابدا ، وادي شباب زي الفل بيتجوز في نص العشرينات او التلاتينات، ولا اي مشكلة ، فانا هنا في المقالة عايزك تفكر معايا لو كل الاعراض ديه بتحصل فعلا في غياب العملية ديه ، هتبقى انت فعلا طبيعي زي مابتقول ولا محتاج مساعدة ؟ لو محتاج مساعدة فخلينا نتدرج في الموضوع علشان نوصل لحل ان شاء الله هيفيدك ..

واحد ممكن يقولك انا شاذ بطبيعتي ومش عارف اغير نفسي ، انا بحب الرجالة واتربيت مع امي فطلعت في مجتمع انثوي ، او زي ماواحد قالي ، اصل ابويا كان كل يوم بييجي بالليل سكران فبيضرب امي واحنا صغيرين فكرهته فطلعت كده ، فسالته يعني انت علشان بتكره ابوك لانه نموذج غلط فطلعت بتحب الرجالة ؟ قالي لأ انا عايز اوصله فكرة واحرق قلبه عليا ، قولتله يعني تفتكر هو هيهتم ؟ واحد سابكم ومشي وكان بيضربكم ودماغه بايظة تفتكر لما يعرف انك كده هيزعل ؟ قالي المفروض ، قولتله مين قالك كده ؟ انت اخر مرة شوفته امتى ؟ مش فاكر .. او واحد يقولك اصل ادريس وعثمانة كانوا بيلعبوا معايا ، وكلام كتير اوي ومبررات اكتر او حد يقولك لا انا محصليش حاجة ، انا طلعت كده وخلاص ..

مبدئيا ، اي حد يحاول يعمل اي حاجة مش هيقدر ، الواحد بيقدر يحقق هدفه في حالة واحدة ، انه ميحاولش ، او انه يقرر ، اي حد بطل حاجة سلبية كان بيعملها بطلها بقرار ، يعني لأ ، لأ وخلاص ، ولأ يعني لأ ، لو بدأنا بحاجات بسيطة هنلاقي ان الي بطل سجاير ممكن يكون حاول كتير بس جات عليه لحظة قطع فيها العلبة وكسر السيجارة وقال لأ مش عايزك ، فلو انت عايز تعمل حاجة ، الموضوع مش محتاج محاولة ، الموضوع عايز قرار ، ولو انت قولت انك مش عارف تحب بنت ، فده طبيعي جدا ، لانك برمجت نفسك على كده لسنين ، ان توجهاتك رجولية ، بتحب الرجالة ، فلو انت قررت وعزمت وبدأت تعود نفسك على جو البنات وصداقة الولد بالولد ومعرفة الولد بالبنت ، هتعيد برمجة نفسك بكده ، الواحد عبارة عن افكار داخلية ، هي افكارك كده فده الي ظاهر عليك من برة ، فلو عايز تتغير عيد برمجة الافكار ديه وغير منها .

مبدئيا مش هنضحك على بعض ، فرويد نفسه موصلش لعلاج للشذوذ الجنسي ولما ام ولد بعتتله جواب وقالتله ان ابنها شاذ جنسيا ، قالها ابنك مش مريض ابنك عايز اعادة تأهيل وعايزك تقبليه على كده ، فانا مش هقولك انك هتتعالج ، وهتصحى الصبح اسد وعايز تتجوز اتنين ، بس كل الي انا اعرفه وهتعرف ليه بعد كده ، انك على الاقل تقدر تكتم الاصوات ديه طول عمرك وتبدلها باصوات داخلية تانية جواك تساعدك انك تخف وتتحسن وتعيد توجيه ادراك تفكيرك ..

لو ابوك مثلا او حد عزيز عليك محتاج 100 الف جنيه علشان يعمل عملية ؟ هتعمل ايه ؟ هتقولي ، اصل انت يانهاد مش فاهمني ، هو انا مرتبي كذا وفي سنة ببقى كذا و.... كلام فارغ ، لو فعلا حد عزيز عليك هتسرق ، هتنهب هتبيع كليتك هتبيع عنيك علشانه ، وفي حالة لملتون اريكسون ، راح لواحدك مكتئبة جدا وزنها ضخم وبتموت واهلها مش عارفين يعمللوا معاها حاجة واريكسون كان معروف عنه انه عبقري في العلاج النفسي ، جيه الراجل ببساطة دخل الاوضة جاب شوية قش ، حطه تحت سريرها وولع في القش ، النار مسكت في السرير ، الست قامت اتنطرت وطلعت تجري ، وواحد برضه راح لملتون اريكسون علشان يتعالج من الاكتئاب وانه كسلان ومش عارف يعمل حاجة ، اريكسون كان عنده كلب بول دوج طول مترين ، قاله ثواني ، جاب الكلب من الجنينة ، وزقه على الراجل ، الشخص ده طلع يجري وبيصرخ بيقوله يامجنووووووووووووون ، ملتون "قاله نعم ؟ بتقول انت بتشتكي من اييييييييييييييه ؟" مغزى الكلام ده ان في حالة البقاء ، الانسان بيعمل اي حاجة علشان خلاصه ، بينسى مشاكله وبينسى مرضه وبينسى نفسه علشان نفسه او علشان الناس الي بيحبهم ، وهكذا ...
اولا : غمض عينك وتخيل نفسك مت ، والناس وراك علشان تدفنك وكل واحد طلع علشان يتكلم عنك كلمة ، وانت مفضوح وموتك معروفة ، تفتكر هيتقال ايه عنك ؟ لو امك الي طلعت او ابوك او اخوك او اصحابك او جيرانك ؟ مين
هتيكلم عنك ازاي لو انت مت مذلول وضعيف لنفسك ورغباتك ؟

ثانيا : اكسر النمط

قرر زي ماقولتلك ، قول لأ وارفض ، اعلن عن نفسك انك حد سوي ، لا شاذ ولا مريض ولا مثلي ولا بتاع ، ابدأ من جديد ، امسح اي حاجة مرتبطة بالمشكلة من قريب او من بعيد ، حط صورتك واكتب تعليق يدل على رجولتك ، اعلن عن نفسك مسلم وانصر دين الله ، اعلن عن نفسك راجل واكتشف طبيعة اساسية جواك انت اهملتها لسنين علشان اوهام وحقايق زائفة ، الغي اي ناس تعرفهم بيشدوك لده ، في اول تعامل معاهم اشتمهم لخبط الدنيا بينك وبينهم اين كانوا ، دول مش هياخدوا بإيدك يا جميل ، دول عايزين زيهم وزي ما في مسرحية ميتوفوليس الشيطان بيقول جملة "misery loves company in woe" او بالعربي ، الي يشوف بلوة الناس بتهون عليه بلوته ، ابعد عنهم وابدأ اتعرف على ناس بجد هياخدوك برة وياخدوا بالهم منك ، ناس متدينيين بجد ، بالقرآن والسنة ، انسى تماما انك كنت كده ومتسمعش كلام حد مساعدكش ، ومتقولش ، زي مابيقولوا لو انت بطلت تدخين متقولش انا بطلت ، قول انا مش مدخن ، قول انا راجل بجد ، والمجتمع كله بيقبلني لان ده الصح اجتماعيا ودينيا وفطريا وخلقيا وكل حاجة ، كسر النمط معناه انك كل مرة تحس ان فيه حاجة بتقربك ، ابعد عنها وبشدة وفجأة وبقوة ، متسمحش لحاجة انها تتملك منك ، اكسرها ، واعمل حاجة مختلفة او بديل ، لو حسيت بالمشاعر ديه الي بتقربك من الشذوذ الجنسي ، اكسرها ، ممكن تقرى قرآن او ممكن تصرخ ، صرخ بصوت عالي ، اخبط ايدك في الحيط ، قعد وسط ناس سوية ، الاهم انك تكسر النمط ، ولو ده صعب في البداية ففرويد نفسه قال حاجة جميلة جدا ، قال ان اي عادة بتتكون في 21 يوم ، فلو عايز العادة الجديدة ديه فاصبر وقت بسيط وهتكتشف انها بقيت طبيعتك والطبيعة الاولى بقت مجرد زكريات .. 21 يوم تتكون و21 يوم تنتهي ، في الاسلام في حديث عن النبي صلى الله عليه وسلم فيما معناه ان الي يصلي 40 يوم خلف الامام يعتق من النار والنفاق ، ولو ركزت فيها هتكتشف انك في خلال ال 40 يوم دول بتبني عادة جواك بتحاول تحافظ عليها فبعد ال 40 يوم هتكتشف حاجة غريبة اوي ، انك لسة بتواظب على الصلاة خلف الامام لانك اتعودت على كده ، مهما تعبت في البداية ، كمل واعرف ان الحياة الاجمل مستنياك ، انت اتاخرت عنها كتير اوي ، خد حقك منها وعيش حياتك بجد .. واوهام الحرية والتفكير مش هيفيدك بحاجة

لو لاقيت حد بيقولك ان الدين محرمش قوله قول بسيط "ادخل جوجل وابحث يابن الكلب" او قوله قول النبي ، "اقتلوا الفاعل والمفعول" مش علشان الدين دين قتل ، لا ده علشان المكان الي فيه كده بينزل عليه غضب الله وبيمس باقي البشر ، ومدام الفاعل والمفعول تابوا فمبيسريش الحديث ده عليهم ، انت عارف ان اللواط اشد وطئا من الزنا ، اللواط بيهز عرش الرحمن ، فصدقني لو عايز تعرف رأي الدين متسمعش لمحمد السيد عشماوي وتلامذته ، اسمع الحق الي بيتكلم عن فطرتك ، اسمع الي انت ترضى تسمعه عن دينك وربك مش الي انت عايز تسمعه لنفسك ..

الشذوذ الجنسي بيسبب امراض ملهاش حصر منها :
الايدز ، من بين 745103 حالة إيدز بالولايات المتحدة الأمريكية يمثل الرجال الذين يمارسون الشذوذ الجنسي 348657 حالة،
هناك عدة دراسات قد أظهرت علاقة مباشرة بين ممارسة الشذوذ الجنسي والإصابة باضطرابات نفسية، نذكر هنا أحدثها، وهي دراسة قد نُشرت في يناير من هذا العام في أرشيفات الطب النفسي العام Archives of General Psychiatry، والذي قام به فريق هولندي.

وقد وجد الفريق أن الشواذ من الرجال يصابون بالاضطرابات المزاجية التي تستمر لأكثر من 12 شهرًا بمعدل 2.94 مرة عن غيرهم من الأسوياء. كما يصابون باضطرابات الحصر النفسي anxiety التي تستمر لأكثر من 12 شهرًا بمعدل 2.61 مرة عن غيرهم من الأسوياء. كما أن الشواذ من النساء يصبن بالاضطرابات المؤدية إلى إساءة استخدام المخدرات بمعدل 4.05 مرات من غيرهن من الأسوياء.

كل هذا في المجتمع الهولندي المرحب بممارسة الشذوذ الجنسي، وهو ما ينفي مزاعم الشواذ جنسيا بأن الاضطرابات النفسية التي يصابون بها ما هي إلا بسبب نظرة المجتمع إليهم. كما أظهرت دراسة أخرى نشرت في أكتوبر 1999 في المجلة نفسها أن احتمالية محاولة الانتحار بين الشواذ من الرجال كانت أعلى 6.5 مرات منها في توائم هؤلاء الأسوياء.

الأمراض المعدية التي تنتقل عن طريق الممارسة الجنسية : في دراسة نشرت عام 1990 في مجلة أمراض القولون والمستقيم Diseases of the Colon and Rectum يقول الدكتور ستيفن وكسنر: إن 55% من الشواذ من الرجال الذين لديهم شكاوى من منطقة المستقيم والشرج مصابون بالسيلانgonorrhea ، كما أن 80% من مرضى الزهري syphilis من الشواذ جنسيا، هذا بالإضافة إلى إصابة 15% من الشواذ الذين لا يشتكون من وجود أعراض مرضية بالمندثرة chlamydia، كما أن ثلث الشواذ جنسيا مصابون بفيروس الهربس البسيط النشط herpes simplex virus في منطقة المستقيم والشرج.

وقد ذكرت دراسة أخرى أن الشواذ من الرجال مصابون بالسيلان في منطقة الحلق بنسبة 15.2%، بالمقارنة بإصابة 4.1% من أسوياء الرجال بالمرض نفسه.

سرطان الشرج: هناك عدة نظريات تعلل انتشار سرطان الشرج بين الشواذ جنسيا وبين الأسوياء الذين يمارسون الجنس عن طريق الشرج. إحداها بسبب استخدام بعض المزلّقات lubricants من أجل تسهيل تلك الممارسة. نظرية أخرى هي تقول بأن دخول الحيوانات المنوية والسائل المنوي إلى تلك المنطقة قد يكون سببا آخر للإصابة بسرطان الشرج. وآخر النظريات هي الإصابة بالسرطان تبعا للإصابة بالالتهاب بفيروس الورم الحليمي الإنساني human papillomavirus.

مرض كابوسي الخبيث Kaposi sarcoma ، والذي يعتقد أن للمخدرات التي يستخدمها الشواذ جنسيا من أجل استرخاء عضلة الشرج والمعروفة بـ poppers علاقة بالإصابة بهذا المرض بين مصابي مرض الإيدز منهم.
سرطان الغدد الليمفاوية هودجكن.

خلل بالجهاز المناعي ، وذلك قد يكون بسبب امتصاص المستقيم للسائل المنوي ليصل إلى الدورة الدموية، وهو ما يعتقد العلماء أنه يصيب الجهاز المناعي بالضعف.

مشاكل جراحية بمنطقة الشرج بسبب ممارسة الشذوذ: كالجروح الشرجية واحتباس جسم غريب داخل المستقيم، وتكوين أوعية دموية جديدة بالمنطقة وتليّف المستقيم.

الجزء ده مقتبس ومترجم من موقع اسلام اونلاين :
وفي بحث علمي أثار دهشة علماء النفس الغربيين، قام فريق من العلماء بدراسة مجموعة من الشواذ السابقين لمعرفة مدى تغيّر اتجاهاتهم الجنسية.. اكتشف البحث أن 67% من هؤلاء الشواذ السابقين قد أصبحوا طبيعيين تماما من حيث الممارسة الجنسية السوية والرغبة فيها، كما أن 75% من الرجال منهم و50% من النساء قد تزوجوا زيجات طبيعية، بالإضافة إلى أن كل هؤلاء قد اعترف بأنه يحس بأنه أكثر ذكورة (بالنسبة للرجال) أو أكثر أنوثة (بالنسبة للنساء) مما كانوا عليه قبل أن يغيروا اتجاهاتهم.

ناس كتير اوي كانوا مكانك ده ، لإيما ترضى بمشكلتك لإيما ترفضها وتحسن من نفسك الاهم انك تاخد خطوة وهتلاقي كل الدنيا بتساعدك عليها ، ومدام عايز تعرف ، هتلاقي الاجابات قدامك، حب الدنيا وحب الحياة وحب الناس ، بس الاهم انك تعرف نفسك وتصلح منها ، انت مش واقف في مكان صح ، انت بعيد اوي عن طريقك ، ارجعله لان فيه ناس كتير اوي بتحبك ومستنياك هناك ومستقبل اجمل في انتظارك لو انت متجوز فتخيل نظره ولادك ليك وهما عارفين ان ابوها شاذ او علشان امك او اختك الي اخوها شاذ او ابوك الي وثق فيك وفي الاخر ترضى بكده متبقاش اناني وزي مافيه ناس قدرت انت كمان تقدر وربنا عالم انا عايزك تبقى زي واحسن مني ، خد خطوة وقرر وربنا هيرضى عنك بإذن الله لو مشكلتك في المشاعر فالطبيعي انك تحب صاحبك بس مش انك تنام معاه ، علشان كده ظهر الحب في الله ، لو قريت مقالة اسامة بتاعتي هتعرف انه كان اكتر بني آدم قريب لقلبي .. ورسالة بس للي بيدافع عن حقوق الشواذ والاخ التاني الي كتب في بلد الولاد وبينادي اننا نقبلهم زي ماهما ، الدين محتاجك تدافع عنه وغير وحسن المجتمع متساهمش اكتر في الي بيحصل فينا ، بقالنا زمن بنغتصب وبنتسرق وبيحصل فينا حاجات زي الزفت والي جاي اكبر ، نسبة العنوسة عالية فمش ناقصة كمان يخرج مننا شواذ ، الدين محتاج رجالة بجد والمجتمع محتاجنا ، فبدل ماتسمح بالفساد ده ، صلح في الارض ..

"ساعات حب النسوان بيبقى عيب وساعات مبيبقاش عيب تماما وبتبقى فضيلة"